Abagize Inama y’Igihugu y’Urubyiruko (NYC) basuye Urwibutso rwa Jenoside rwa Rukumberi mu rwego rwo #Kwibuka31, banaremera abarokotse Jenoside babiri bo mu Murenge wa Sake, Akarere ka Ngoma.

Uyu munsi,06.6.2025 abagize inzego z’Inama y’Igihugu y’Urubyiruko baturutse mu turere twose hamwe n’abafatanyabikorwa basuye Urwibutso rwa Jenoside rwa Rukumberi rushyinguyemo imibiri y’abazize Jenoside yakorewe Abatutsi mu 1994 basaga 42,500, mu rwego rwo kwibuka ku nshuro ya 31.

 Nyuma yo gusobanurirwa amateka y’uru rwibutso, Komite Nyobozi ya NYC ifatanyije n’ubuyobozi bwa Rwanda Youth in Agribusiness Forum baremeye abarokotse Jenoside babiri bo mu Murenge wa Sake, Akarere ka Ngoma.